„Јас сум најсреќната жена во светот“ - Љубовната приказна на Ричард Гир (70) и сопругата Алехандра (37)

Детали

четврток, 02 април 2020

Изгледа дека холивудскиот заводник Ричард Гир е сопругот што би го посакала секоја жена.

Ричард и сопругата Алехандра Силва се венчаа во 2018-та, и иако на почетокот врската им била комплицирана, набрзо станало очигледно дека се создадени еден за друг.

Во периодот кога ја почнаа врската, и двајцата минуваа низ развод, а ова сигурно им предизвикувало многу тешкотии. Но, денес Алехандра, како што вели самата, е најсреќната жена на светот, и тоа благодарение на познатиот актер.

Ричард и Алехандра се запознале во 2014-та, кога актерот престојувал во хотел на семејството на Алехандра.

Уште веднаш ја почувствувале привлечноста меѓу нив и од првата вечер биле неразделни.

Тогаш и двајцата биле сред развод и минувале низ навистина тежок период, но овие проблеми само им помогнале уште повеќе да се зближат.

Алехандра има изјавено дека и двајцата биле убедени дека оваа врска ќе трае.

Во 2018-та, парот го кажа судбоносното да.

Алехандра тврди дека е најсреќната жена во светот, а Ричард ја терал да мисли дека живее во бајка.

Имено, актерот секој ден ѝ пишувал песни, а секое утро ја прашувал што ја прави среќна.

Возрасната разлика помеѓу Ричард и Алехандра е цели 33 години, но очигледно, ова не претставува никаков проблем.

Алехандра вели дека нејзиниот сопруг е најскромниот, најчувствителниот, највнимателниот, најдарежливиот и најсмешниот маж што го запознала. За неа, овој брак бил како најубавиот романтичен сон од кој не сака да се разбуди.

И Ричард го има потполно истото мислење за неговата сакана и бракот со неа.

Тој одново и одново кажува дека се чувствува како најсреќниот маж во универзумот, затоа што имал можност да се венча со паметна, забавна и чувствителна жена која сака да им помага на другите. Уште подобро е што тие двајца имаат исти интереси и цели и ист став кон светот.

Актерот вели дека Алехандра е како ангел и дека дефинитивно нема да најде личност која е подобра од неа.

Спирова С. | Црнобело