Емотивниот говор на Џенифер Анистон по добиената награда на People's Choice Awards (видео)

Детали

понеделник, 11 ноември 2019

Џенифер Анистон го ужива максимумот од славата по само неколку снимени епизоди на Friends, во улогата на Рејчел Грин, во 1994-та година.

Денес, 25 години подоцна, славата на шоуто сè уште не спласнува, а 50-годишната актерка на People's Choice наградите беше прогласена за „иконски лик.“

Наградата ѝ ја врачи Адам Сендлер, кој ја опиша како една од најдобрите пријателки, која не само што е физички прекрасна, туку и неверојатно грижлива жена, вистински пример и жена со огромно срце.

По големата благодарност која ја искажа на сцената, Џенифер започна емотивен говор:

„Ако имам било каква заслуга во овој свет како иконски лик, тогаш тоа е затоа што учествував во едно неверојатно шоу, со неверојатен тим и неверојатна фризура. Friends беше навистина подарок кој се добива еднаш во животот, и немаше да стојам тука да не постоеше тоа шоу, да не постоеја останатите пет актери и публиката која буквално беше заглавена со нас...“

Целиот говор погледнете го во продолжение:

М. Д. | Црнобело