Двојниците на Бијонсе, Џиџи, Аријана… која е вистинската, а која „лажната“?

Детали

петок, 14 јуни 2019

Се верува дека за секој од нас постои барем еден двојник во светот. Но, особено интересно е кога ова се случува во светот на славните.

Нивната сличност е толку неверојатна, што сопругот на Софи Тарнер, Џо Џонас ѝ се приближил на Лора Батлер за време на снимањето на Game of Thrones со цел да ја бакне, мислејќи дека таа е неговата сопруга.

Погледнете како изгледаат двојниците на најславните дами во светот и кои се нивните приказни:

Џејми Аликс Сингер или Аријана Гранде?

На 24-годишната инфлуенсерка која воедно ја дели истата професија со Аријана Гранде, односно е пејачка, ѝ било кажано дека премногу личи на популарната ѕвезда.

„Прв пат ми рекоа дека личам на неа во средно училиште. Многу луѓе ме застануваа велејќи ми дека потсетувам на глумицата од Victorious“ (за потсетување, Аријана глумеше во оваа детска ТВ серија). Додека студирав мојот прекар беше Аријана Гранде. Го слушам ова речиси секој ден“.

Лора Батлер или Софи Тарнер?

Лора била фото двојникот на Софи за време на снимањето на Game of Thrones. 23-годишната девојка открила интересна случка кога сопругот на Софи, Џо Џонас ја помешал Лора со својата жена.

Тој ѝ се приближил со цел да ја бакне, а му биле потребни неколку секунди да сфати дека Лора не е Софи.

Даниел Базерџи или Меган Маркл?

Кога имала само 16 години, Даниел сфатила дека личи на Меган Маркл. Таа денес има 22 години, работи како личен тренер и имала можност да ги запознае Меган и Хари за време на нивната кралска тура.

„Запознавањето со кралското семејство беше неверојатно, двајцата се скромни, имаат одлична смисла за хумор и се многу приземјени“, изјавила Даниел за Daily Mail Australia.

Она што е интересно е дека Хари од сите луѓе во топлата прво ѝ се приближил токму на Даниел со цел да се фотографира со неа, веројатно затоа што премногу наликува на неговата сопруга.

Лора Кедман или Тејлор Свифт?

Во 2017 година, интернетот ја откри двојничката на Тејлор Свифт по име Лора Кедман која тогаш имаше 20 години. Самата Лора е обожавател на Тејлор и често може да се забележи на нејзините концерти.

Таа не се обидува да личи на неа, едноставно е природна русокоса, која е висока и слабичка исто како ѕвездата. Остатокот од копирањето на „изгледот на Тејлор“ се состои од црвен кармин и црн туш на очите, за кои самата Лора вели дека најдобро ѝ прилегаат.

Продолжува на следната страна...