Отидоа милионите на Џони Деп: Без предбрачен договор, се разведува од Амбер по 15 месеци брак

Детали

четврток, 26 мај 2016

По 15 месеци брак, филмската ѕвезда Џони Деп и Амбер Херд се разведуваат. Актерката веќе отворила правна постапка откако изјавила дека воопшто не се согласуваат.

52-годишниот актер и 30-годишната актерка и поранешен модел се запознаа во 2011-та година за време на снимањето на заедничкиот филм „The Rum Diary“.

Тогаш Џони беше веќе 14 години во врска со Ванеса Парадис, мајката на двете негови деца, а во 2012, по многу шпекулации дека се гледа со Амбер, ја прекинаа врската.

Романсата на Џони Деп и Амбер Херд се пренесе од филмското платно во реалноста и во 2013-та беа следени како еден од најзгодните и најинтригантни парови.

По 9 месеци врска, во март 2014-та година, открија дека се вериле, а во 2015-та година стапија во брак.

Сега, по 15 месеци брак, одлучиледа се разведат.

Според нивни блиски извори, тие немаат потпишано предбрачен договор, па многумина се прашуваат што ќе се случи со $400-те милиони долари на Џони Деп, вклучувајќи го и приватниот остров кој го поседува?

Н. Г. | Црнобело