По 23 години Аксел и Слеш повторно заедно на сцена

Детали

сабота, 02 април 2016

За среќа на обожавателите на култниот рок бенд, ова не беше првоаприлска шега.

Со исклучок на минатата ноќ, последниот пат кога Аксел Роуз и Слеш настапија заедно беше на 17-ти јули, 1993-та година на стадионот на Ривер Плате во Буенос Аирес, Аргентина.

Се чини дека недоразбирањата помеѓу ривалите завршија, а GUNS N' ROSES  повторно се собраа на истото место каде што ја започнаа својата кариера - во рок клубот Трубадур, лоциран во западниот дел на Холивуд.

Ограничениот број на билети за концертот се распродале во експресно краток рок, по цена од само $10 долари, а оние среќници кои навреме купиле билет, имаа можност да го слушнат омилениот бенд обединет, како во старите добри времиња.

Аксел Роуз, Слеш, Даф Мек Кеган, Френк Ферер и Ричард Фортус се погрижија за одличната атмосфера, свирејќи ги нивните најголеми хитови Welcome To The Jungle, Sweet Child O' Mine, New Rose, Chinese Democracy...

GUNS N' ROSES ќе имаат уште 6 концерти во април, 2 на музичкиот фестивач Коачела, 2 во Лас Вегас и уште 2 концерти во Мексико Сити.

За време на концертот, бендот воедно ја најави и летната турнеја за 2016-та година којашто ќе започне на 23-ти јуни, настапувајќи во неколку градови во Северна Америка.

(О)Милена | Црнобело