Откриени се водителите и жирито на новата сезона на X-фактор Адриа

Детали

вторник, 24 февруари 2015

Изборот на добри водители е пресуден за едно шоу да биде успешно и токму затоа е потребно да се направи добра комбинација, за сите страни да бидат задоволени.

Овој пат во водителското трио спаѓа и македонската претставничка, Снеже Велков.

Таа лани беше известувач за Македонија и често се дружеше со кандидатите зад сцената. Знаеше како да ги опушти и да се забавува со нив, а истата таа атмосфера да им ја пренесе и на гледачите.

Втората водителка е Антонија Блаќе која ни е позната како водителка на Големиот брат, Шармантна, насмеана и харизматична, која сега уште повеќе ќе го надополнува шоуто со позитивна енергија.

Како трет водител во фантастичното водителско трио се појавува и актерот Александар Радојчиќ, на кој ретко која девојка може да му одолее. Досега се има покажано како одличен актер, а се очекува исто така да се покаже и како водител или шоумен на Х-фактор.

Покрај водителите, вчера беа и официјално претставени членовите на новото жири, во состав од: Жељко Јоксимовиќ, Тончи Хулиќ, Масимо Савиќ и Александра Ковач.