Ги погледнавте ли првите танци од втората сезона на „Танц со ѕвездите“?

Детали

петок, 10 јануари 2014

На новогодишната ноќ, на Македонската телевизија беше прикажана првата промотивна емисија од втората сезона на едно од најпопуларните шоуа „Танц со ѕвездите“.

Водителот Тони Михајловски веќе беше познат, а неговата партнерка, водителка која ја држеа во тајност е згодната Марјана Станојковска.Таа во минатата сезона беше една од подобрите натпреварувачки меѓу ѕвездите.

Измени имаше и во жирито, каде на местото на Миланка Рашиќ, оваа година ќе биде Васил Зафирчев, кој исто така беше дел од натпреварувачите лани, но за жал поради повреда на ногаta, мораше прерано да го напушти шоуто.

Танчерите од „Прима Данца“ остануваат речиси сите исти, а ѕвездите кои ќе учат да танцуваат се сосем нови.

Својот фаворит може да го одберете меѓу: гитаристот од „Нокаут“ Владимир Крстевски- Франц, пејачката Сара Мејс, каратистката Наташа Илиевска, ватерполистот и фотомодел Стефан Лошковски, пливачката Наташа Мешковска, презентерката Маријана Димовска, манекенката Александра Накова, актерот Мартин Јордановски , водителот Димитар Атанасовски и актерот и пејач Влатко Илиевски.

Погледнете ги танцовите двојки со првите промотивни танци пред да почнат емисиите од натпреварувачки карактер, каде секоја емисија еден пар според гласовите и критиките ќе излегува од шоуто.

1. Александра Накова и Илија Карадаковски

2. Маријана Димовска и Боби Трајковски

3. Франц и Наде Миленкова

4. Наташа Мешковска и Роланд Паради

5. Мартин Јордановски и Ивана Ристевска

6. Димитар Атанасовски и Јована Василева

7. Сара Мејс и Мишо Спасовски

8. Влатко Илиевски и Наташа Овезовска

9. Стефан Лошковски и Симона Веселиновска

10. Наташа Илиевска и Даниел Кимовски