На Хаваи ги тужат Аеросмит

Детали

вторник, 28 април 2009

Рок групата Аеросмит ќе одржи бесплатен концерт на Хаваи за да ги задоволи своите разлутени обожаватели кои покренале тужба против нив.

 

Пред 2 години Аеросмит го откажале однапред распродадениот концерт во Мауи на Хаваи.

Обожавателите подигнале тужба пред судот во која е наведено дека бендот се откажал од коцертот заради поголема заработувачка која ги чекала во Чикаго и поради приватен настап за моќник од автомобилската индустрија во Оахо.

Адвокатот на групата Аеросмит објавил дека групата ќе одржи нов концерт пред публиката на Хаваи и дека се ќе биде на сопствен трошок.

“Секој кој купил карта за претходниот концерт, ќе добие бесплатна за претстојниот“, соопштиле адвокатите на Аеросмит.

Сè уште не е одреден датумот на концертот, но се очекува да биде наскоро одржан во склоп на турнејата на Аеросмит низ Северна Америка.