Страшната Рејчел Зои

Детали

четврток, 10 мај 2012

Една од најплатените и најславните стилистки во светот, Рејчел Зои, стои до новата Снежана, Лили Колинс. Искрено, оваа фотографија од неодамнешната...

...забава на Costume Institute Gala нѐ исплаши.

Се прашуваме до кога оваа испиена ковчеста женичка ќе ги претвора сите холивудски убавици во еднакво испиени, ковчести закачалчиња? За жал, Зои ја наметна својата естетика на анорексични девојки меѓу голем дел од најголемите ѕвезди.

Нејзината бизнис партнерка, Никол Ричи, е синоним за анорексија, дел од нејзините клиентки како Миша Бартон и Линдзи Лохан си развија големи проблеми со тежината, а пак останатите како Ен Хатавеј, Рене Зелвегер, Деми Мур и Кира Најтли своите и онака слаби тела постојано ги истенчуваат за да ја стигнат „прекрасната“ Зои.

Разледувајќи ги нивните фотографии, човек веќе нема чувство дека гледа исклучоци. Секојдневното медиумско сервирање на изгладнетите ѕвезди како најубави жени ќе ве натера да помислите дека лижавчето е посекси од песочниот часовник.

Ако имавме некаква моќ ќе викневме СТОП за Зои! Ама немаме, па само ќе ве предупредиме да не паѓате на овие замки.

Еве што ни порачува сензуалната Софија Вергара.

Уживајте во своето тело и почестете се со еден сладолед ;)

З.П. | Црнобело