Џон Траволта емотивен за роденденот на синот, кој почина на 16 години по епилептичен напад: „Ќе те сакам засекогаш“

Уште не е познато што го причинува нарушувањето, но и Кели и Џон Траволта имаат изјавено дека биле сигурни дека голем удел има околината, односно изложеноста на средства за чистење со хемикалии, пестициди и слично.

„Со син ми, отсекогаш бев опседната со чистење – неговиот простор да биде чист, па постојано ги перевме теписите.

Па, мислев дека поради тоа, штетните гасови надвор, а можеби и бидејќи допрел нешто, доби ретко заболување – Кавасакиева болест“, изјави Кели.

Тие сметаа и дека аутизмот е причинет од истите фактори.

„Цврсто верувам како мајка, исто како и мојот сопруг, дека има одредени фактори кои водат до аутизам и дека некои од нив се хемикалиите во нашата околина и храната“, има изјавено Кели.

Со помош на скиентолошката црква, тие пробувале и „техники за прочистување“ за нивниот син.

Поради аутизмот, Џет имал проблеми со комуникацијата, а истовремено и честопати имал епилептични напади.

Џет пиел лекови кои ги спречувале нападите, но по некое време ја изгубиле ефикасноста, а и неговите родители биле загрижени за несаканите ефекти.

Па, престанал да ги пие и почнал да има напади околу еднаш неделно.

Во 2009 година, додека биле на одмор на Бахамите, Џет имал напад додека бил во бањата, па си ја удрил главата од кадата.

Неговиот негувател го пронашол без свест и веднаш бил пренесен во болница, но таму им подлегнал на повредите.

Дотогаш, актерот и сопругата не откриваа ништо за нарушувањето на Џет, но по трагедијата, почнаа отворено да зборуваат, со цел да ја зголемат свесноста за аутизмот.

Пред смртта на Кели, тие основаа и фондација во чест на син им, со цел да им помагаат на деца со посебни потреби.

Низ годините, и по смртта на Кели Престон, Џон Траволта честопати го спомнува син му.

„Велат дека најтешкото нешто во животот е да изгубиш родител. Сега можам да тврдам дека тоа не е точно. Најтешко во животот е да изгубиш дете…

Син ми почина од епилептичен напад. Тој ми донесе толку многу радост, беше моето сè. Тоа што 16 години му бев татко ме научи да сакам безусловно.
Минувајте време со вашите родители, а вие родители – минувајте време со вашите деца. Бидејќи, еден ден, кога ќе го кренете погледот од телефонот, тие нема да бидат таму.

Она што научив од целата ситуација е да живеете и да сакате како секој ден да ви е последен. Бидејќи, еден ден и ќе ви биде последен“, има изјавено актерот.

Спирова С. | Црнобело