Три пропаднати бракови, 20 години помлада девојка: Каде е и што прави денес детето од филмот „E.T.“?

Детали

понеделник, 10 февруари 2025

Хенри Томас – актерот кој го глуми детето од E.T. – има 53 години и иако се држи настрана од јавност, се има појавено во популарни филмови и серии. Татко е на три деца и има три пропаднати бракови, а моментално е во врска со девојка која е 20 години помлада од него.

E. T. the Extra-Terrestrial е филм што го одбележа детството на многу генерации, но и ги лансира кариерите на Дру Баримор и Хенри Томас.

Додека сме сигурни дека знаете која е Дру, Хенри Томас, кој го глумеше детето во филмот, не е толку присутен во јавноста.

Неколку детали од животот на Хенри Томас, по снимањето на E.T.:

Имал проблеми со опседнати фанови

Пред да ја добие улогата во E.T., Хенри се имал појавено во само еден филм и бил далеку од позната личност.

Но, филмот на Спилберг го промени ова, а тој вели дека не ни бил свесен што го чека допрва.

„Славата беше како несакан ефект од глумата која ми беше забавна. Немав поим дека животот ќе ми се промени.

Додека траеше снимањето, одев на сетот, па се враќав на фармата нa родителите, па одев на училиште. Но, по премиерата, луѓе покажуваа со прст кон мене“.

Хенри вели дека и неговото семејство ги чувствувало последиците од новостекнатата слава.

„Мајка ми пробуваше да ме заштити. Но, целото мое семејство не беше подготвено за нешто такво.

Почнаа да доаѓаат чудни луѓе на нашата фарма, ни се јавува и по телефон. Неколкупати моравме да повикаме и полиција.

Филмот беше сензација и имаше опседнати фанови“.

Приватна личност е, но имал улоги во познати филмови и серии

По успехот на филмот, Хенри пробувал да се држи настрана од јавноста, но сепак продолжил со глума.

Низ годините се има појавено во бројни популарни филмови и серии, а изгледа омилениот жанр му е хорор.

Се има појавено во неколку адаптации на дела од Стивен Кинг, како и во сериите Haunting of Hill House и Haunting of Bly Manor.

Има соработувано и со врвни актери, како Еван Мекгрегор, Бред Пит, Ентони Хопкинс…

Покрај глумата, Хенри е музичар и има свој бенд – Blue Heelers – но одамна немаат настапувано заедно.

Има издадено неколку песни, а беше и композитор на музика за филмот Honey Baby.

Продолжува на следната страница...