Лејди Гага се огласи за шпекулациите дека е маж: „Сметам дека немаше потреба да ги негирам“

Детали

четврток, 19 септември 2024

Лејди Гага првпат прозборе за гласините дека е маж, кои се прошириа по фотките на кои наводно се гледа машки полов орган, а се огласи и за Фејсбук групата насловена „Стефани Германота никогаш нема да бидеш славна“, што ја направиле нејзини соученички.

Во периодот кога ја градеше својата кариера и се прославуваше, Лејди Гага се соочи со шпекулации за кои досега одлучуваше да молчи.

Во 2010-тите се појавија гласини дека Лејди Гага e всушност маж, а во неколку интервјуа ѝ беше поставено прашање за нејзиниот пол и дали има машки гениталии.

Во новата документарна серија на Бил Гејтс – What’s Next? The Future With Bill Gates – гостува и Лејди Гага, а во еден момент, таа и милијардерот зборуваат за ширењето дезинформации.

Популарноста на Лејди Гага се зголемуваше во период кога и социјалните мрежи земаа замав.

А, без денешните регулации, тие беа совршено место за ширење лажни вести и дезинформации.

Гласините за Лејди Гага почнаа во 2009 година, поради фотка (со лош квалитет) од музичкиот фестивал Glastonbury.

Според некои, на фотографијата се гледа дека пејачката има испакнатина меѓу нозете, иако е очигледно дека станува збор за сенка и положбата во којашто е застаната.

Кога ја прашуваа за полот на постарите интервјуа, Гага избегнуваше директен одговор и беше саркастична, неретко истакнувајќи дека на нејзините фанови не им е грижа кој пол е.

Во документарецот на Бил Гејтс, пејачката, која е голем поборник за правата на ЛГБТ заедницата, откри зошто никогаш не ги негирала гласините:

„Избегнував да одговарам на прашањето бидејќи не се чувствував како жртва поради таа лага.

Но, си мислев, што со детето што го обвинуваат за истото? Како ќе се чувствува ако јас, славна личност, покажам дека ми е срам од тоа?

Сум била во ситуации кога кажувањето на вистината за некои гласини не било во најдобар интерес за другите луѓе“.

А, наместо да се бори против гласините, Лејди Гага почна да ги користи во нејзините перформанси.

Во 2010 година, таа направи фотосесијата за Vogue облечена како маж.

Со истата облека и шминка, таа ги водеше и MTV Video Music Awards во 2011 година.

Периодов пејачката се огласи и за друг момент од нејзиното минато, овој пат за училишните денови.

Фановите на Гага многу добро знаат дека неколку нејзини соученици направиле Фејсбук група насловена „Стефани Германота, никогаш нема да бидеш славна“.

На насловната фотографија од групата се гледа Лејди Гага, врз која има голем црн икс.

Групата, која денес не постои, била приватна и има 12 членови.

Пејачката отсекогаш била отворена за тешките училишни денови и малтретирањето што го трпела, но првпат се фокусира само на Фејсбук групата.

Корисник на ТикТок сподели скриншот од групата, а во коментар, Лејди Гага му напиша:

„Некои луѓе со коишто одев во колеџ ја направија групата.

Ова е причината зошто не треба да се откажеш кога луѓето се сомневаат во тебе или те омаловажуваат – мора да продолжиш напред“.

На нејзиниот коментар, пак, многу фанови почнаа да ги набројуваат нејзините достигнувања, кои вклучуваат 13 Греми награди, Оскар, 18 статуетки од MTV VMA…

Пејачката има откриено дека се откажала од колеџот по три семестри за да се фокусира на кариерата.

„Го сакав колеџот, но самата ќе се научам подобро отколку на некое училиште“.

Спирова С. | Црнобело