Проституција, силувања – Мрачната страна на корејските поп ѕвезди

Детали

недела, 15 септември 2024

Неколку корејски изведувачи имаат извршено самоубиство, додека некои се обвинети за разни криминални дела, вклучувајќи силување и организирање проституција.

Корејската поп-музика, позната како к-поп, изминативе неколку години станува популарна ширум целиот свет, особено кај помладата публика.

Музичките групи како Blackpink и BTS се популарни и кај нас, а некои од изведувачите од Јужна Кореја имаат направено и соработки со врвни музички ѕвезди.

Членовите на корејските музички групи секогаш изгледаат беспрекорно, а настапите им се придружени со впечатливи аутфити и енергични кореографии.

Но, веќе добро познат факт е дека пејачите и пејачките трпат вистинска тортура за да изгледаат совршено, а некои дури извршиле и самоубиство од постојаниот притисок.

А, со к-поп индустријата се поврзани и низа скандали, како пејачи кои завршиле во затвор.

Дел од корејските пејачи кои се всушност криминалци:

Џунг Џун-јанг

Во 2019 година, во јавност протекоа пораки од телефонот на пејачот Џунг Џун-јанг кои покажаа негова поврзаност со клуб – Burning Sun – во кој се случувале секакви криминални активности.

Се дозна и дека пејачот силувал девојка и го снимал силувањето, а потоа го препраќал видеото.

Тој доби 6-годишна казна затвор, која беше намалена на пет години и беше ослободен во март 2024-та.

Сеунгри

Познат како „Големиот Гетсби од Јужна Кореја“, Сеунгри е познат по раскошниот начин на живот, а беше и сопственик на клубот Burning Sun што го спомнавме претходно.

Тој беше обвинет за организиран проституција, одржување нелегални игри со коцкање и проневера со пари.

Кога во јавност се појавија обвиненијата, тој се повлече од јавноста, а на крај доби 3-годишна казна затвор.

Сепак, поради неговото влијание, помина само една година во затвор и беше ослободен во 2023-та.

Чои Џонг-хун

Пејачот Чои беше осуден за групно силување жена и доби само 5-годишна казна затвор.

Поради некоја причина, казната му беше намалена на две и пол години.

Претходно, пак, поткупил полицаец бидејќи бил застанат додека возел под дејство на алкохол.

Тој излезе од затвор во 2021-ва, а и покрај криминалното досие, изјави дека планира да се врати во забавната индустрија.

Крис Ву

Крис Ву беше к-поп ѕвезда, иако потекнува од Кина, а живеел и во Канада.

Тој беше обвинет за силување дури три жени, од кои едната имала 17 години.

Подоцна се дозна и дека избегнувал плаќање данок, а имал и други поситни дела.

Севкупно, тој доби 13-годишна казна затвор која уште ја одлежува.

На следната страница, корејски музички ѕвезди чии животи завршија трагично…