Најниските актери во Холивуд (Том Круз не е на листата)

Детали

недела, 04 август 2024

Дени Девито има 147 сантиметри, а Кевин Харт - 165 сантиметри. Том Круз, пак, кој го сметаме за еден од пониските актери во Холивуд, со своите 170 сантиметри, не се ни наоѓа на листата.

Светскиот просек за машката висина е околу 170 сантиметри.

Но, бидејќи сите сме различни, има мажи кои се многу повисоки, но и многу пониски од 170 сантиметри.

А и генерално, висината не е нешто за коешто треба да се грижиме бидејќи, реално, е надвор од наша контрола.

Доказ за тоа дека висината не треба да ни влијае во животот се следниве актери кои според светскиот просек се ниски, но се и мошне успешни.

Дел од најниските актери во Холивуд:

Дени Девито – 147cm

Дени Девито е еден од најдобрите холивудски актери и никогаш не дозволил неговата висина да влијае врз неговиот успех.

Всушност, фановите го нарекуваат и „нискиот крал“, а на прашањето што мисли за епитетот, актерот само изјави:

„Ми се допаѓа! Досега не сум го слушнал, но ме радува. Ви благодарам!“

Мајкл Џ. Фокс – 163cm

Во филмовите, висината на ѕвездата од Back to the Future не е очигледна бидејќи секогаш глумел со колешки кои се пониски.

Интересно е што неговата сопруга е малку повисока од него, а тие имаат еден од најстабилните холивудски бракови – заедно се уште од 1980-тите.

Денес актерот има Паркинсонова болест, која му беше дијагностицирана уште во 1991-ва, и е гласен поборник за болеста.

Џо Пеши – 163cm

Иако е релативно низок маж, Џо Пеши секогаш умешно глуми ликови од кои сите би се исплашиле.

Стана препознатлив по гангстерските филмови, како Goodfellas и The Irishman, а активен е и денес, на 81-годишна возраст.

Сет Грин – 163cm

Сет Грин обично глуми забавни ликови и вели дека неговата висина му е од корист во кариерата.

А, одвреме-навреме знае и да се пошегува на своја сметка – на пример, еднаш ја споредуваше својата висина со Мила Кунис.

Даниел Редклиф – 165cm

Даниел Редклиф стана светска ѕвезда на само 12-годишна возраст, а вели дека никогаш не обрнувал внимание на висината.

„Не мислам дека висината некогаш ми претставувала проблем. Можам да глумам многу улоги.

Секако, не би можел да глумам некој висок лик, но не можам да глумам ни афроамериканец…“

Кевин Харт – 165cm

Неколку американски медиуми имаа напишано погрешни информации за висината на актерот.

Па, во интервју тој реши да открие колку е точно висок.

„Од магазинот GQ погодија. Висок сум 165cm... Кога носам патики.

Но, ако облечам чизми со дебел ѓон, можам да стигнам и до 165,5 m“.

Комичарот има изјавено и дека не му е проблем да се шегува за својата висина во неговите стенд-ап шоуа.

Спирова С. | Црнобело