„Бегајте од мене и од децата!“ – Џеј Ло гневна на папараците, откако по вторпат го загуби Бен заради нив

Детали

среда, 31 јули 2024

„Бегајте од мене, одете си!“ – им вели Џеј Ло на папараците што сакаа да ја фотографираат додека беше излезена со ќерката на Бен Афлек на сладолед. Според некои, таа само глуми дека е вознемирена, а според други, лута е затоа што вторпат го загубила Бен заради нив.

Веќе неколку месеци наназад во сите светски таблоиди се зборува за разводот меѓу Џеј Ло и Бен Афлек, а очигледно дури и на пејачката и актерка ѝ прекипе од нив, па јавно се спротивстави и ги избрка.

Додека беа во брак, Бен Афлек беше тој што постојано беше фотографиран со мизерен изглед и се расправаше со папараците, а очигледно е дека и на Џеј Ло, која вообичаено позира пред нив со насмевка, овојпат ѝ дошло преку глава, па одлучи да им се спротивстави.

На социјалните мрежи е објавено видео на кое се гледа како Џеј Ло со сладолед во рацете се расправа со фотограф кој се обидува да ја фотографира неа и децата додека се на одмор во Хемптонс.

„Бегајте! Бегајте подалеку од мене и од моите деца! Одете си! Одете си!“ – им вели Џеј Ло на фотографите кои се приближиле премногу до неа и се обиделе одблиску да ја фотографираат.

Според некои следбеници на Инстаграм, Џеј Ло само глуми дека се расправа со папараците и многу е веројатно сама да ги викнала, за да се прошири видеото и да успее да го задржи вниманието на јавноста врз себе.

„Да сигурно е така... Зошто си ги викнала да дојдат тогаш?“;

„Точно така. Познато е со години наназад дека таа има свои публицисти што им јавуваат на папараците каде се. Потоа само глумат дека им пречи“;

„Игнорирајте ја. Сигурно сама си ги викнала за да добие внимание“;

„Како да не, сигурно сега сака приватност“ – стои во некои од коментарите.

https://www.instagram.com/reel/C98S9N9NapP/

Многу е веројатно видеото да е снимено на почетокот на месецот кога таа беше излезена со ќерката на Бен и Џенифер Гарнер, Вајолет.

Инаку, според многумина, токму огромното внимание што парот го добивал секојпат кога ќе се појави во јавност е една од причините заради кои Бен, по вторпат одлучува да се раздели од Џеј Ло.

Благодарение на неговиот постојано мизерен изглед пред папараците, тој на социјалните мрежи е познат и како Sad Affleck (Тажен Афлек), а во една пригода појасни зошто секогаш има таков изглед на лицето.

„Јас сум по малку срамежлив. Не сакам многу внимание. Токму затоа луѓето кога ќе ме видат си мислат: ‘Зошто овој човек постојано е намуртен?’.

Затоа што некој доаѓа со фотоапарат и ми го бутка во лице.

Исто така ми пречи кога ме фотографираат додека сум со децата. Она што сакам да го кажам е многу едноставно.

Не ми пречи, можете да ме фотографирате додека сум во клуб или на премиера, со сопругата, воопшто не ми е гајле. Уживајте. Нема ниту да ве забележам.

Но, кога сум со децата, тоа е сосема различна работа“ – изјави Бен во една пригода.

Тој исто така зборуваше и за причините заради кои првпат се разделиле со Џеј Ло, па нагласи дека и тогаш таблоидите и папараците имале големо влијание врз тоа да одлучат да стават крај на свршувачката.

„Би рекол дека вниманието од медиумите со 50 отсто придонесе за да ни се уништи врската. Постојано пишуваа дека луѓето не нѐ сакаат заедно и дека нашата врска е ужасна и токсична, па никој од нас не сакаше да биде дел од тоа“ – рече Бен.

Според последните гласини, на Бен му пречело тоа што Џеј Ло воопшто не го консултирала, па во нејзиниот последен документарен филм, посветен на нивната љубовна приказна, ги објавила и неговите љубовни писма.

Наводно, тоа била капката што ја прелеала чашата откако Бен веќе две години маки мачеше со постојаното внимание што го добиваше и мораше да се справува со папараци.

Дури и вечерта кога наводно одлучил да си замине од семејниот дом во кој живееше со Џеј Ло, морал да се расправа со фотограф кој го чекал за да го фотографира.

Во видеото објавено на TMZ може да се слушне како Бен му вика на фотографот:

„Слушај, заради тебе може да доживеам сообраќајна несреќа. Немој да ми светиш со блицот додека возам“.

Ben Affleck Flips Out On Paparazzi Outside His Home Amid Jennifer Lopez Divorce Rumours https://t.co/C5r2PppIBZ pic.twitter.com/uWPZFgDnaW

— Voice Of Anambra West (@Olubanasa) June 24, 2024

Џеј Ло во изминатите месеци молчи и не ги коментира гласините за разводот, секогаш позира со насмевка пред фотографите, но очигледно е дека и нејзе понекогаш ѝ доаѓа преку глава од вниманието.

Б. С. Б. | Црнобело