Проблематичниот син на Николас Кејџ: Ја удрил мајка му додека имал нервен слом, има убиено куче

Вториот развод беше мошне бурен

Вториот развод на Вестон беше ништо помалку од хаотичен.

Најпрво, бившата Даниел побара забрана за приближување, но и да ѝ исплати над 50.000 долари за правни трошоци.

Нивниот развод се финализира во ноември 2018-та, но дотогаш Вестон веќе ја имаше запросено сегашната сопруга, па ова му создаде дополнителни проблеми.

Истовремено, по разводот, Вестон морал да ѝ плаќа над 8.000 долари на Даниел за кирија, автомобил, здравствено осигурување, но и алиментација.

Последно, во 2023-та, Вестон ја тужеше Даниел за изнудување пари.

Мајка му мисли дека Николас Кејџ е виновен за неговите проблеми со менталното здравје

Освен новата изјава, Кристина Фултон и во минатото има зборувано за проблематичното ментално здравје на син ѝ Вестон.

Но, таа тврди и дека Николас Кејџ е виновен за ова бидејќи постојано бил зафатен и воопшто не се грижел за него, а ова дополнително му ја влошила состојбата.

„Николас Кејџ му наштети… Јас сум таа што го одгледа Вестон.

Јас сум таа што се грижеше за Вестон. Неговиот татко беше премногу зафатен со работата“.

Првпат беше хоспитализиран во 2011 година

Во 2011 година, Вестон и неговиот тренер од теретана биле во ресторан.

Наводно, Вестон сакал да порача нешто од менито, но тренерот не му дозволил.

Поради ова, Вестон изреагирал бурно и почнал да го напаѓа тренерот.

По ова, Вестон бил приведен и однесен во ментална установа.

Има проблеми и со зависности

Вестон Кејџ има изјавено дека „самиот си го копал својот гроб“ со зависноста од алкохол и дрога.

Тој откри дека во еден ден пиел по неколку пива, повеќе од едно шише вино, силен алкохол како виски, а земал и апчиња за спиење.

Во 2012-та, пробал наеднаш да престане со алкохолот и лековите, по што значително му се влошило здравјето и завршил во болница.

По ова успеал да се ослободи од зависностите, а вели дека најмногу му помогнало тоа што станал татко.

Претходно, Вестон убил куче додека бил под дејство на кокаин, а тогаш татко му присилно го однел на рехабилитација, но безуспешно.

Наводно, тој го удрил кучето со палка за бејзбол.

Ја обвинуваше мајка му за своите проблеми

Пред некоја година, Вестон поднесе барање за забрана за приближување за неговата мајка.

Тогаш тој ја обвини за психичко малтретирање.

„Додека имав проблеми со менталното здравје и бев во состојба на психоза, Кристина користеше психолошко малтретирање за да ми го ограничи пристапот до соодветен третман и до моето семејство.

Ми го зеде телефонот, ми го зеде паричникот, како и личната карта“, пишува во дел од неговото обвинение.

Не е познато како Вестон и мајка му го решиле овој проблем.

Спирова С. | Црнобело