Не го заборавија и починатиот син – Роналдо и Џорџина го прославија вториот роденден на најмалата ќерка

Детали

петок, 19 април 2024

„Бела и Ангел“ – напиша Кристијано Роналдо до фотографијата со која го одбележа вториот роденден на ќерката Бела Есмералда, но и годишнината од смртта на нејзиното близначе.

Фудбалерот Кристијано Роналдо и неговата партнерка Џорџина Родригез вчера (18.04) го прославија вториот роденден на ќерката Бела Есмералда, а не го заборавија ниту нејзиното братче кое почина на породувањето.

Фудбалерот објави фотографија на која неговата најмала ќерка е со цвеќиња на главата и до неа напиша:

„Честитки љубов моја, те сакаме“.

Забележително е дека тој суптилно му оддаде почит и на синот Ангел кого го загубија истиот ден при породувањето, па затоа додаде хаштаг #AngelyBellla.

На Инстаграм Стори парот објави видео на кое се гледа дека семејството прославило со торта, а Бела Есмералда дуваше свеќичка, додека беше во рацете на нејзината мајка Џорџина.

„2 години на моите бебиња“ - напиша Џорџина на видеото, со кое повторно му оддадоа почит на синот што го загубија и покажаа дека семејството не го заборава.

Освен Кристијано и Џорџина, со објава на Инстаграм се огласи и мајката на фудбалерот, Долорес, која сподели заедничка фотка со внуката и до неа напиша:

„Денес е посебен ден, нашата принцеза има роденден. Среќен роденден мило мое, се надевам дека ќе имаш преубав ден со твоите родители, бакнежи од баба“.

Б. С. Б. | Црнобело