„Ги купува децата како чевли, не знае да менува пелени“ – Секојпат кога Парис Хилтон беше критикувана како мајка

Му ја крие главата на бебето и го носи како аксесоар

По големиот број зајадливи коментари и критики, Парис не престана да споделува фотографии од синот, но забележително беше дека бебето постојано е облечено во костими или на главата носи капа.

Покрај постојаните зајадливи прашања зошто му ја крие главата на бебето, стигнаа и други критики, кои гласеа:

„Детето не е аксесоар, зошто на секоја фотка изгледа како моден додаток?“

Објавува премногу фотки од синот

Познатиот радио водител Хауард Стерн јавно ја критикуваше Парис дека објавува премногу фотографии од синот и дека сама си е виновна за големиот број критики упатени до неговиот изглед.

„Ако продолжиш да објавуваш фотки од твоето дете онлајн, немој да се жалиш ако луѓето ти се постмеваат. Постои причина зошто луѓето ги чуваат работите во приватност“ – ѝ порача на Парис и нагласи дека споделувањето фотки не е безбедно затоа што на тој начин може да наидете на киднапери и демначи.

Според него, децата на славните треба самите да одлучат дали сакаат да водат јавен живот или не и дека не е во ред кога родителите одлучуваат од најмали нозе да им го одземат правото на приватност.

Не објавува фотки од ќерката

Парис Хилтон во минатото кажа дека најголема желба ѝ е да има ќерка, а овој пат на Денот на благодарноста таа желба ѝ се исполни. Убавите вести ги сподели со фотографија од бебешка облека на која стои името на девојчето – „Лондон“.

Но, тоа се единствените информации што Парис ги сподели за ќерката, а не сакаше ниту да каже како ја добила.

Многумина претпоставуваат дека и ќерката, како и синот, ја добила со помош на сурогат мајка, а на социјалните мрежи покрај големиот број честитки, имаше и коментар дека ги „купува децата како чевли“.

Парис даде ексклузивно интервју и рече дека за ќерката не знаел никој и дека членовите на нејзиното семејство биле изненадени кога на вечерата ја покажала ќерката.

Прочитајте и „Професорите нѐ будеа во 4 наутро за да нѐ силуваат“ - Парис Хилтон со нови детали за животот во поправен дом

 Б. С. Б. | Црнобело