Ја чекаше да се разведе, а сега ќе имаат дете - Малума на уникатен начин откри дека девојка му е бремена

Детали

петок, 20 октомври 2023

Во неговиот најнов музички спот за песната Procura, Малума откри дека со девојката Сузана очекуваат дете. Во емотивниот спот има инсерти од секојдневието на парот, како и мигот кога првпат го гледаат нивното дете на ехо-снимка.

Во четвртокот (19.10) Малума го објави музичкиот спот за неговата песна Procura со кој им приреди изненадување на фановите.

Во спотот, 29-годишниот пејач откри дека со саканата Сузана очекуваат дете.

На почетокот од спотот има неколку инсерти од секојдневието на вљубениот пар – како јадат во ресторан, како вежбаат јога, како јаваат коњи…

Во спотот го има и видеото од страсниот бакнеж на парот на Billboard Latin Awards 2022 кое стана вирално.

Дури кон крајот од спотот се гледаат Малума и Сузана во лекарска ординација со што откриваат дека таа е бремена.

Додека ја гледа ехо-снимката, младиот пејач едвај ги додржува солзите.

Во следната сцена се гледа како среќниот пар ги споделува вестите со нивните сакани, а во неколку инсерти се гледа и трудничкото стомаче на Сузана.

Според видеото, Малума и Сузана очекуваат девојче.

Продолжува на следната страница...