Мистериозната смрт на Британи Марфи: Со сопругот починаа од исти причини, во рок од 5 месеци

Пред врската со Сајмон, Британи нагло ослабе, а поради ова се појавија гласини дека користи дрога.

Но, таа самата го негираше ова, па дури и беше дел од кампањи против користење дрога.

По свадбата со Сајмон, здравјето на Британи само се влошуваше.

По нејзината смрт, пак, луѓе кои наводно го познавале Сајмон го опишаа како личност која манипулира, а Британи била само една од неговите бројни „жртви“.

На 3-ти декември 2009 година, Британи Марфи го даде нејзиното последно интервју, каде што изјави дека следната година сака да стане мајка.

На 20-ти декември, актерката била пронајдена без свест во нејзиниот дом. Била пренесена во болница, каде што починала околу два часа подоцна.

Резултатите од аутопсијата покажале дека смртта била случајна и резултат на пневмонија. Истовремено, актерката била анемична, а во нејзиниот организам имало и неколку лекови.

Подоцна се појасни дека станувало збор за лекови за настинка.

Сепак, бидејќи здравјето на актерката било во загрижувачка состојба, сосема возможно е и „коктелот“ од лекови да придонел за смртта.

Актерката беше погребена на 24-ти декември.

Уште тогаш нејзината смрт беше опкружена со мистерии и теории на заговор, кои само се засилија по смртта на нејзиниот сопруг Сајмон.

Пет месеци подоцна, во мај 2010-та, и тој беше пронајден мртов во нивниот дом.

Како Британи, и кај него причина за смртта била пневмонија и анемија.

На почетокот надлежните помислиле дека во нивниот дом има отровна мувла, но истрагата покажала дека немало никакви знаци на мувла во домот.

Смртта на Британи и Сајмон во најмала рака беше опишувана како апсурдна.

Година-две подоцна, родителите на Британи пробаа да докажат дали мувлата сепак била причина за смртта, но не постигнаа нешто значајно.

Пред Сајмон да почине, се појавија гласини дека не ѝ дозволувал на Британи да оди на лекар, без разлика што била во ужасна состојба. Тој го негираше ова. Но, дури и да било вистина, ова не објаснува зошто тој починал од истите причини.

Во 2013-та, таткото на Британи изјави дека во телото на неговата ќерка имало тешки метали, па можеби тие биле причина за смртта.

Мајка ѝ, од друга страна, не се согласуваше со ова.

До денес не е познато зошто и Британи и сопругот Сајмон починале од практично исти причини во рок од неколку месеци.

Спирова С. | Црнобело