Ужива на приватна јахта, „се бори“ со бранови – Џорџина Родригез се фали со луксузниот одмор, јавноста ја критикува (фото+видео)
- Детали
- сабота, 22 јули 2023
Џорџина постојано споделува фотки и видеа од одморот на луксузната јахта на Кристијано Роналдо, но додека некои имаат само пофални зборови за неа, дел од следбениците на Инстаграм ја критикуваат бидејќи се фали со раскошот.
Периодов Кристијано Роналдо и Џорџина Родригез се на одмор со нивните деца. Тие крстарат со луксузната јахта на фудбалерот и досега посетија неколку европски дестинации, како Италија и Португалија.
Џорџина, пак, не ја пропушти можноста да се пофали со раскошот во којшто ужива, но повторно се соочи со критики од јавноста.
Во нејзината најнова Инстаграм објава, Џорџина „се бори“ со брановите на брегот и пробува да одржи рамнотежа додека удираат во неа.
„Кога мислиш дека си непобедлива“, стои во описот.
Претходно таа сподели фотки од приватниот авион на фудбалерот, семејни фотки од одморот на јахтата, како и неколку фотографии на кои скапите чанти и накит се во преден план.
Во коментари на објавите, многумина имаат само пофални зборови за Џорџина, особено за нејзиниот изглед, но дел ја критикуваат за фалењето:
„Ако размислите, ќе сфатите дека таа е единствената партнерка на фудбалер која се фали колку е богата“.
„Навистина мисли дека ако ги покажува нејзините брендови, ќе стане уште побогата. Изгледа дека е многу желна за овој начин на живот и не може да се контролира“.
„Веќе претеруваш. Дали воопшто правиш нешто друго?“
За потсетување, неодамна се појавија гласини дека на Роналдо му е „преку глава“ од трошењето, но и фалењето на Џорџина. Истовремено, некои извори тврдеа дека на нивната врска ѝ се ближи крајот.
Како одговор на гласините, и Џорџина и Роналдо споделуваат фотки од заедничкиот одмор.
Сепак, на некои папарацо фотки, реалноста изгледа многу поразлично.
Погледнете и: Џорџина мизерна, Роналдо ја игнорира – Познатиот пар на одмор на Сардинија, по гласините дека ќе раскинуваат (фото)
Повеќе фотки од одморот на Џорџина и фудбалерот:
Спирова С. | Црнобело
Би можело да ве интересира:
Препорачуваме
Најчитани неделава
