Hubble: уникатни фотографии

За 20 годишницата од постоењето на телескопот Hubble на НАСА, беа објавени најзначајните и најдобрите фотографии од вселената кои се направени...

 

...со овој телескоп.

На фотографиите се прикажани масивни облаци на прашина во кои се раѓаат нови ѕвезди, моментот кога ѕвездата умира, па и од некои нови планети кои се наоѓаат далеку од Сончевиот систем.

НАСА овие фотографии ги објави во новата книга наречена "Hubble: Патување низ просторот и времето". Исто така, објавени се фотографии на кои е прикажано како е тој надоградуван, подобруван и одржуван. На овој телескоп потрошени се 10 милијарди долари.

Hubble е лансиран во вселената на 24-ти април, 1990 година. Првите фотографии кои ги направи Hubble беа во црно-бела варијанта, кои истовремено покажаа дека огледалото на телескопот e неправилно поставено.

Веќе во 1993 година, овој телескоп е поправен и фотографиите кои ги испраќаше на Земјата беа поквалитетни. Од тогаш до денес, телескопот е сервисиран 5 пати. Hubble ќе испраќа заносни фотографии до 2014 година, а потоа планирано е да оди 'во пензија' и да биде заменет со телескопот James Webb.