Песна во стилот на 2000-те и провокативни сцени – погледнете го спотот за „Фала“ на ДНК

Новата песна на Андреј и Панчо од ДНК, „Фала“ потсетува на звукот од 2000-те години и има малку ретро „вајб“.

По се изгледа “фабриката” ДНК нема намера да го намали темпото кога се во прашање создавањето на нови песни.

По тој повод, пред два дена Панчо и Андреј преку социјалните мрежи го најавија нивниот најнов музички проект.

Имено, јавноста беше изненадена од видеото кое беше споделено, бидејќи на него се појавуваат дваесетина јавни личности и сите од нив кажуваат само еден едноставен збор - “Фала”.

Причина за ваквата кампања е всушност најновата песна на музичкото дуо ДНК. Нејзиниот наслов е токму тој - “Фала”.

Она што е важно да се потенцира е тоа што станува збор за песна која по својот стил потсетува на звукот од 2000-те години.

Инаку како и претходните песни, така и на оваа како автори се потпишува незаменливиот тандем Панчо и Лазар Цветковски.

Исто така за потребите на “Фала” се сними видеоспот, во кој покрај Андреј и Панчо се појавува и преубавата кумановка Теа Ѓоргиевска, но и битбоксерот Буцо.

Екипата која го снимаше спотот се добропознатите Огнен Шапковски и Кристијан Теодоров.

Погледнете, уживајте и гледајте што почесто да го користите зборот Фала: