Емотивни балади и филмска акција: Саша Ковачевиќ ги помести границите со две нови видеа

Посебно внимание привлече спотот за песната „Проклето и свето“, чие сценарио е сместено во затвор, а Саша глуми затвореник кој планира да избега...

Поп-ѕвездата Саша Ковачевиќ приреди спектакл за своите обожаватели, објавувајќи две нови песни: „Није нам се дало“ и „Преклето и свето“.

За песните Ковачевиќ сними и два моќни спота, кои предизвикаа огромно внимание и буквално ги „запалија“ социјалните мрежи.

Овие две песни претставуваат продолжение на неговиот албум „Носталгија“, кој го освои регионот со емотивни и квалитетни песни.

Песната „Није нам се дало“ е емотивна балада за љубов која не успева, додека „Проклето и свето“ комбинира силни емоции и драматични звуци во препознатливиот стил на Саша.

Со овие балади, Ковачевиќ уште еднаш успеа да го расплаче регионот, допирајќи ги фановите со искрени емоции и моќни текстови.

Посебно внимание привлече спотот за песната „Проклето и свето“, чие сценарио е сместено во затвор.

Саша глуми затвореник кој планира да избега, што додава доза на акција и драма во приказната.

Визуелниот квалитет на видеото го засилува присуството на талентираните актери Ана Томиќ, Јован Лола Савиќ и Борислав Богосавац, кои внесоа автентичност и емоции во приказната.

Социјалните мрежи се преплавени со коментари од воодушевените обожаватели, а кои истакнуваат дека Саша уште еднаш ги поместил границите кога станува збор за музиката и визуелното изразување.

Публиката со нетрпение очекува во живо да слушне нови хитови, кои веќе имаат посебно место во нивните срца.

Повеќе фотографии:

Погледнете ги видеата за „Није нам се дало“ и „Преклето и свето“:

;