„За сите драги луѓе кои веќе не се со нас“ - Тамара и Стефан Лазаров ја промовираа песната „Патишта“

„Имам чувство дека добро ќе се исплачам... Браво и едвај чекам да ја слушнам“ - е еден од коментарите за песната, напишани уште пред нејзината промоција.

Денес на Јутјуб каналот на Стефан Лазаров е промовирана песната „Патишта“, која јутјуберот и инфлуенсер најави дека ќе ја направи веднаш по смртта на неговиот пријател и соработник Зоки Фаци, кој почина по долга борба со ракот.

На изненадување на многумина, станува збор за дуетска песна меѓу Лазаров и Тамара Тодевска.

„Песна посветена на драги луѓе кои веќе не се со нас, но и на сите луѓе, кои за жал, сакаат да живеат во животи туѓи“ - пишуваше во најавата која Стефан и Тамара ја споделија на Инстаграм.

„Имам чувство дека добро ќе се исплачам... Браво и едвај чекам да ја слушнам“ - е еден од коментарите што им ги оставија фановите уште пред да ја слушнат песната.

Музиката на „Патишта“ е на Лазаров, Васил Ангелов и Слаткаристика, а Слаткар го напиша и текстот.  

Погледнете го спотот за „Патишта“:

А. Ј. | Црнобело