Од читател за читател - донеси стара и земи нова книга

Живееме и бараме инспирација во секојдневието, некаква мотивација што ќе не продлабочи самите себе. Замислуваме дека се наоѓаме во далечни светови, на места одамна посакувани. Копнееме по авантура, за да ѝ избегаме на монотонијата.

Кога ќе се најдеме во слични ситуации, не ни преостанува ништо друго освен задоволството на движењето да го најдеме во книгата. Страниците со приказни ни ја зголемуваат креативноста, нé освежуваат и нé потсетуваат дека никогаш не сме сами на овој свет. А, покрај сé ни го храни мозокот и ни ја зголемува меморијата.  

На сите ни е познато дека самиот чин на читање ни овозможува карта за нови и неоткриени светови, каде може да налетаме на нашата проекција и креативно надразнети и пополнети да се вратиме во реалноста.

Издавачката куќа „Матица македонска“, кои секогаш се залагаат за подобрување на културата за читање, организира хумана кампања поврзана со пишаниот збор.

Донесете прочитана и земете нова книга по половина од цената на Булевар на книгите или Паркот на книгите, а старите примероци ќе бидат донирани на здружението за бубрежно болни граѓани НЕФРОН за збогатување на библиотеките во центрите за дијализа.

Авантури, трилери, љубовни романи и филозофски текстови. Секој има право на добра книга.

Од читателите за читателите. Ова е уште еден доказ дека книгите имаат магична моќ врз животот на човекот, па затоа љубителите на пишаниот збор потајно се разбираат и комуницираат на еден посебен начин.

На крај ништо не преостанува освен да се потсетиме дека најбогатите библиотеки се создадени од самите читатели.

Автор: Е. Х. | Црнобело