„Посилна од судбината“: Предлог книга од македонска писателка која ќе се најде на Саемот за книга

И оваа година, впрочем како и секоја година се одржува Саем на книга на Скопскиот Саем.

Саемот на книга започнува на 12-ти Април, а завршува на 18-ти Април и ќе работи секој ден од 10 до 19 часот, а за издавачите од 9 часот.

На Саемот за книга ќе има изложено многу книги, од наши македонски автори, секако ќе има и книги од странски автори.

На еден од штандовите на Саемот ќе земе учество и Здружението за писатели - Манускрипт, каде ќе се промовираат и продаваат книги од македонски автори, меѓу кои ќе има романи, збирки кратки раскази, ситхозбирки поезија, што значи за секој читател и за сечиј вкус по нешто.

Таму, на штандот на Здружението, меѓу сите книги, ќе се продава и мојата прва книга стихозбирка поезија - „Посилна од судбината“.

Топло и од срце Ви ја препорачувам да ја земете мојата книга, бидејќи секоја книга што е напишана од дното на срцето и душата, таа книга вреди, треба да се купи за да ја имаме засекогаш во нашите библиотеки и секако најважно е да ја читаме.

Со среќа нека ни е Саемот на книгата, да биде успешен, да имаме многу, многу продадени книги, пред се од наши македонски автори, со тоа многу задоволни читатели, а воедно и писатели, што нивната книга отишла во вистински раце на читателите!

За повеќе информации за и околу мојата книга на овој ЛИНК.