Најстрашните чудовишта во литературата

Светот на книгите е полн со авантури, херои, магични светови, но исто така е и свет полн со чудовишта, демони, мноструми и митски суштества.

Ова се некои од најстрашните чудовишта кои можете да ги најдете во литературата.

Џиновската лигња од 20.000 милји под морето, Жил Верн

Подводниот брод на капетанот Немо, Наутилус, е опремен со најнапредните оружја за 1.800 година, вклучувајќи ги и електрифицираните куршуми. Но, кон крајот на романот, Наутилус го напаѓа големо чудовиште кое изгледа како џиновска лигња. Верн никогаш не ја опишал точната големина на ова чудовиште, само напишал дека има пипала долги 27 метри.

Вендиго од индијанските митови

Митовите околу ова чудовиште варираат од племе до племе. Вендиго е канибалистичко чудовиште кое ги јаде луѓето. Во индијанските племиња веруваат дека секој човек кој прибегнува кон канибализмот ќе се претвори во Вендиго.

Пенивајз од романот на Стивен Кинг, Ит

Ова е само уште една причина да се плашите од кловнови. Глумата на Тим Кари во филмската верзија е извонредна, но книгата е многу подобра. Пенивајз е името на кловнот кој ги привлекува децата да дојдат до него. Всушност се работи за суштество од вонземско потекло.

Фенрис, нордиска митологија

Фенрис (или Фенрир) е огромен, црн волк, потомок на богот Локи. Според приказните Фенрис ќе го нападне и ќе го убие Один, кралот на боговите, за време на Рагнарок. Рагнарок е викингшки Армагедон. Фенрис е огромен волк со желба за човечко месо.

Медуза, грчка митологија

Медуза е ќерка на боговите на морето Форкиј и Кето, а во оригиналната верзија на митот, таа и нејзините три сестри имаат коса од змии. Во литературата е популаризирана од страна на Овидиј, кој ја опишува во неговите Метаморфози. Во повеќето верзии на митови, Медуза е погубена од Персеј, кој ја убива со помош на огледало.

Грендел, Беовулф

Првиот од трите главни негативци во анонимниот еп. Тој е опишан како потомок на Каин. Сепак, тој никогаш не бил опишан во песната, се спомнува само дека се работи за ужасно и страшно чудовиште.

Џабервоки, Алиса во земјата на огледалото, Луис Керол

Причината поради која ова суштество е толку страшно е неговиот маестрален опис. Кеол дури измислил нови зборови да го опише. 

М. А. | Црнобело