10 филмови што со нетрпение ги очекуваме во првата половина од 2025-та

Mickey 17

• 7-ми март

Во режија на Бонг Џун-хо (Parasite) и Роберт Патинсон во главната улога, филмот е адаптација на научнофантастичниот роман Mickey7.

Главниот лик е работник чие тело се регенерира со истите негови сеќавања, секојпат откако ќе умре.

Тој е на мисија да колонизира далечна планета.

Black Bag

• 14-ти март

Новиот филм на Стивен Содерберг има одлична актерска екипа која ги вклучува Кејт Бланшет, Мајкл Фасбендер и Пирс Броснан.

Главните ликови се детективи кои се во брак.

Но, нивната љубов е ставена на тест откако едниот нив е обвинет за предавство на државата.

Lilo & Stitch

• 23-ти мај

Годинава ќе има и неколку римејкови, а еден од најочекуваните е оној за цртаниот филм Lilo & Stitch.

ГЛавниот лик е мало девојче кое живее со сестра ѝ на Хаваи и се зближува со вонземјанин чие вселенско летало се урива на островот.

Mission: Impossible – The Final Reckoning

• 23-ти мај

Од продолженија, годинава ќе имаме можност да го изгледаме новиот филм од серијалот Mission: Impossible.

Дејството на филмот ќе продолжи од крајот на претходниот.

Овој пат, ликот на Том Круз е на мисија да пронајде изгубена подморница, додека се обидува да запре моќна вештачка интелигенција.

28 Years Later

• 20-ти јуни

Често нарекувни едни од најдобрите апокалиптични филмови со зомбија, 28 Days Later и 28 Weeks Later конечно добиваат ново продолжение.

Иако вториот филм се соочи и со лоши критики, фановите имаат високи очекувања за третиот, чие дејство е сместено 28 години по апокалипсата.

Главните ликови се група луѓе кои пробуваат да преживеат во пустошот што ги опкружува.

Спирова С. | Црнобело