10-те најгуглани филмови и серии за 2024 година

Од филмови, најпопуларни се продолженијата, додека Нетфликс доминира кога станува збор за серии.

Гугл го објави извештајот за најпребарувани термини во 2024 година и, секако, овде спаѓаат и филмовите и сериите.

Главно луѓето ги пребарувале најголемите блокбастери, додека од серии, меѓу најпопуларните се оние во продукција на Нетфликс.

Најгугланите филмови за 2024-та:

Inside Out 2

Второто продолжение на анимираниот филм кој можеби најдобро и најсликовито ја прикажува комплексноста на нашите емоции.

Главниот лик повторно е Рајли, која сега е средношколка, како и нејзините персонифицирани емоции.

Но, покрај радоста, тагата, гневот, стравот и одвратноста, таа сега се соочува и со нова емоција – анксиозност.

Deadpool & Wolverine

Филмот кој е опишуван како „љубовно писмо на Марвел до фановите“ дефинитивно ги надмина очекувањата.

Рајан Рејнолдс ја репризира улогата на Дедпул, но сега во друштво на Вулверин (Хју Џекмен), чие враќање го чекавме сите.

Тие се на мисија да го спасат светот од уништување.

Saltburn

Контроверзниот филм, со Бери Киган во главната улога, многумина го гледаат како критика за алчноста, моќта и опсесијата.

Главниот лик е студент кој оди на гости кај негов богат пријател. Кога го искуства луксузниот живот, станува опседнат со раскошот, но и неговиот пријател.

Beetlejuice Beetlejuice

Во долгоочекуваното второ продолжение на Beetlejuice во режија на Тим Бартон, Винона Рајдер и Мајкл Китон ги репризираат нивните улоги.

Главниот лик е мајка чија ќерка случајно отвора портал кон задгробниот живот.

Па, мајката повторно мора да се соочи со злобните духови од минатото.

Dune: Part Two

Уште едно продолжение, овој пат на епската научнофантастична сага снимена според книгите на Франк Херберт.

Во вториот дел, протагонистот Пол го продолжува своето патување – ја прифаќа улогата на вид месија и пробува да се одмазди за заговорниците кои му го уништија семејството.

На следната страница, 5-те најпребарувани серии…