10-те најгуглани филмови и серии за 2024 година

Baby Reindeer

Снимена според вистинска приказна, Baby Reindeer е по малку вознемирувачка серија.

Главниот лик е млад маж кој пробува да се пробие како комичар.

Тој работи во бар, каде што сретнува жена која почнува да го бомбардира со мејлови, но и да го следи.

Fallout

До пред некоја година, сериите и филмовите снимени според видеоигри ги добиваа најлошите можни критики.

Но, Fallout, снимена според истоимените игри, потврди дека и овие адаптации можат да бидат добри.

Дејството е сместено во Лос Анџелес, по нуклеарна катастрофа поради која луѓето мораат да живеат во подземни бункери за да се заштитат од радијацијата, но и мутантите.

House of the Dragon

Спин-оф серијата од Game of Thrones не го повтори истиот успех, но сепак се држи добро.

Дејството е сместено околу 100 години пред настаните во Game of Thrones и се фокусира на семејството Таргериен кое е на врвот на својата моќ.

The Perfect Couple

Со Никол Кидман и Дакота Фенинг во главните улоги, The Perfect Couple е забавна крими-драма.

Пред почетокот на раскошна свадба, откриено е тело на убиена личност.

Свадбата е уништена, а сите гости стануваат осомничени за убиството.

3 Body Problem

Научно фантастична серија што дефинитивно треба да ја изгледате ако го сакате жанрот.

Дејството се фокусира на неколку научници кои доаѓаат во контакт со вонземска цивилизација, но и можна закана за човештвото.

Спирова С. | Црнобело