10 добитници на Оскар за најдобар филм што секој мора да ги изгледа

American Beauty, Chicago, No Country for Old Man… Ако немате навика да гледате оскаровци, можеби треба да им дадете шанса барем на оние кои освоиле статуетка за најдобар филм.

Во пресрет на овогодишното издание на Оскарите, вреди да се присетиме на некои од филмовите кои освоиле статуетка за најдобар филм.

Филмови кои се закитиле со оваа статуетка ги има навистина многу.

Затоа, за вас издвоиме десет кои вреди да ги изгледате:

One Flew Over the Cuckoo’s Nest

Потресна приказна за маж кој треба да оди во затвор, но се преправа дека е луд за да го испратат во ментална институција наместо во ќелија.

На свој начин, тој успева да им го разубави престојот на пациентите, но притоа мора и да се соочи со злобната медицинска сестра Рачед.

Braveheart

Епската драма на Мел Гибсон можеби не е многу историски точна, но одлично го доловува борбениот дух на Шкотланѓаните.

Гибсон, кој е и режисер на филмот, го глуми шкотскиот бунтовник Вилијам кој тргнува да му се одмазди на кралот на Англија откако неговата сопруга е убиена.

American Beauty

American Beauty е филм кој ќе направи да се чувствувате непријатно, но на крај ќе ви биде мило што сте го изгледале.

Главниот лик е средовечен маж со навидум совршен живот. Но, незадоволството и депресијата ќе го натераат да почне да мечтае за другарка на ќерка му.

Gladiator

Уште една епска историска драма, овој пат со дејство во древен Рим.

Главниот лик е Максимус, поранешен генерал кој е принуден да се бори како гладијатор ако сака да преживее, но и да се одмазди.

Chicago

Забавниот мјузикл со Ричард Гир, Рене Зелвегер и Кетрин Зита-Џонс ќе ви се допадне дури и ако го мразите овој жанр.

Главните ликови се две жени убијци кои го најмуваат најдобриот адвокат од Чикаго за да ги извлече од затвор.

Продолжува на следната страница...