„The Night Agent“: Напнат политички трилер кој се гледа во еден здив и е хит на Нетфликс

The Night Agent стана една од најгледаните серии на Нетфликс, по само неколку денови од премиерата. Дејството раскажува за агентот на ФБИ, Питер Сатерленд, кој се вплеткува во заговор во кој се вклучени руски шпиони и највисоките ешалони на американската влада.

Питер Сатерленд еден ден патува со воз, кога забележува сомнителен ранец во кој има бомба. Со брза и паметна реакција, им ги спасува животите на многумина во тој воз.

Меѓутоа, поради овој потфат, тој за малку е осомничен за напад и е деградиран на канцелариска работа, каде каде што треба да одговара на телефон за посебни случаи и помош на тајни агенти.

Телефонот се користи само во апсолутен итен случај, кога агентот не може да дојде до неговиот управувач или се плаши дека може да биде изложен на ризик. Телефонот многу ретко ѕвони и Сатерленд секоја ноќ навистина не очекува дека ќе заѕвони.

Секако, една ноќ тој добива повик кој ќе промени многу работи…

Од другата страна на повикот е поранешната извршна директорка по име Роуз Ларкин, која добила број и код за да го контактира Сатерленд.

Таа го добила бројот од нејзините вујко и вујна кои биле повеќе од обични луѓе. Тие често оделе на крстарења - или, пак, само така ѝ кажувале на Роуз.

Каде всушност оделе и што се случува понатаму, ќе оставиме да откриете сами...

Приказната се менува многу брзо, има многу пресврти и напнати моменти.

Топ 10 најпопуларни серии на Нетфликс во април 2023:

1. Beef

2. The Night Agent

3. American Manhunt: The Boston Marathon Bombing

4. Love Is Blind

5. Obsession

6. All American: Homecoming

7. Florida Man

8. Hoarders

9. Hatfields & McCoys

10. Leanne Morgan: I’m Every Woman

M. Г. | Црнобело