Се ожени синот на Дац – ексклузивни фотографии од свадбата на актерот Јаков Спасов и неговата сакана Софија

Детали

петок, 27 мај 2022

„Ме запроси сосема во наш стил, си седевме по дома, баравме кој филм да гледаме и ми кажа ‘Абе, ќе ми бидеш жена’ (не во прашална форма) и едноставно двајцата знаевме дека тоа е тоа“, вели Софија за CRNOBELO.com на нејзиниот свадбен ден со Јаков. Каква е атмосферата на свадбата на синот на Драган Спасов Дац, која се случува денес?

Денес (27 мај) актерот Јаков Спасов, синот на Драган Спасов Дац, прави свадба со својата избраничка Софија Христова, односно веќе Софија Спасов.

За расположението на свадбената церемонија се задолжени бендот Бета Хаус и диџејот Александар Јорданов и, се разбира, легендарното дуо Дац и Александар Митевски.

Софија (28) работи како маркетинг менаџер и графички и ui/ux дизајнер, ко-сопственик на компанија за software development и ко-основач на невладина организација за интеграција на деца од ранлива категорија, а пак Јаков (31) е актер, кој веќе три години е вработен во Театар Комедија.

Тој моментално игра во претставите „Клетвата на Скотје“ и „Вечера за глупаци“. Претстави во кои играл досега се „Мајсторот и Маргарита“, „Венецијански трговец“ и „Метод“.
Има глумено и во неколку епизоди на сериите „Преспав“ и „Фамилија Марковски“, како и неколку споредни улоги во повеќе македонски филмови.

Јаков веќе 20 години се занимава и со синхронизација на цртани филмови и серии.

Софија за нивната љубовна приказна на нивниот свадбен ден, кусо ексклузивно за CRNOBELO.com вели:

„Заедно сме речиси една година, ама се чувствувам како да се знаеме цел живот. Се запознавме на Инстаграм и од првиот „дејт“ (состанок) во живо беше љубов на прв поглед и сѐ некако лесно ни тргна, ептен многу се погодивме карактерно и знаевме дека сме еден човек во две тела.

Ме запроси сосема во наш стил, си седевме по дома, баравме кој филм да гледаме и ми кажа „Абе, ќе ми бидеш жена” (не во прашална форма) и едноставно двајцата знаевме дека тоа е тоа.“

Атмосферата на свадбената церемонија на Јаков и Софија:

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело