Најпознатата македонска каратистка покажа дека страда од ретко кожно заболување: „Привилегија е да си различен“
- Детали
- среда, 01 септември 2021
Откако се запиша меѓу десетте најдобри каратистки во светот нашата Пуликсенија Јованоска деновиве одмара во Охрид, од каде објави фотографии и проговори за проблемите со кожата со коишто се соочува.
Најдобрата македонска каратистка Пуликсенија Јованоска (28) на својот Инстаграм профил објави фотографија во бикини на која покажа дека има проблеми со депигментација на кожата, позната и како витилиго. Таа накратко до фотографијата напиша:
„Привилегија е да се биде различен. Ми беше тешко да прифатам, но сега го сакам своето тело.“
По објавувањето на фотографијата имаше голем број коментари што ја охрабрија Пуликсенија.
„Ти си прекрасна“, „Ние со витилиго сме посебни“ – се само некои од коментарите што се појавија до фотографијата.
Од фотографиите може да се забележи дека Пуликсенија страда од истото заболување како и светскиот модел Вини Харлоу, којa со години наназад се обидува да ја нормализира оваа појава.
Што се однесува до состојбата витилиго, не се знае што ја предизвикува, но е безопасна состојба на кожата, а доаѓа до процес кој ги уништува ќелиите одговорни за создавање на пигменти.
Пулексенија Јованоска е првата македонска каратистка што воопшто се натпреварувала на Олимписки игри и иако заврши на деветтото место, сепак е горда со сопствените успеси со кои ја направи горда нашата земја.
Повеќе фотографии од Пуликсенија во продолжение:
Прочитајте и „Вредеа тренинзите, потта и солзите“ – Македонската каратистка која испиша историја на Олимписките игри
Б. С. Б. | Црнобело
Би можело да ве интересира:
Препорачуваме
Најчитани неделава
