Ирина Камилоска блеска покрај семејството: „Лена наполни 40 дена на денот кога започна нашата љубовна приказна“

Детали

недела, 23 февруари 2025

„22.02.2022 – палиндром, датумот кога започна нашата љубов, а Лена прави 40 дена“ - Со фотки на кои дотерани танцуваат и вљубено се гледаат, откако претходно беа на семеен ручек со двете деца, Ирина и Павле Камилоски го одбележаа големиот ден за нив.

Ирина и Павле Камилоски ја добија ќеркичката Лена на 13 јануари 2025, една и пол година по раѓањето на синчето Јосиф.

Планинарката не се откажа од качувањето на Водно до последниот ден во бременоста со Лена, иако беше во 42 недела, а краток период по породувањето, се качи и со ќеркичката во кенгур.

Прочитајте и Ирина Камилоска: „Се породив природно на ГАК, качив 15kg во втората бременост - не е лесно со две деца, но вреди“

Викендов Ирина и Павле објавија неколку фотографии со кои одбележаа 40 дена на малата Лена, но открија и дека на истиот ден започнала нивната љубовна приказна.

На Инстаграм Стори, тие вчера споделија дека заедно со двете деца уживаат на ручек во скопски локал.

Подоцна тие објавија неколку заеднички фотографии, на кои се дотерани во црно и танцуваат, додека се гледаат со очи полни љубов, а во објавата пишува:

„22.02.2022 палиндром

Датумот кога започна нашата љубовна приказна…
Истиот ден денес, нашата Лена направи 40 дена а ние сме веќе четиричлено семејство. 

Ти благодарам Господе на сите убавини што ми ги подари овие три години“. 

М. М. | Црнобело