Македонката Пулексенија Јовановска руши предрасуди – гордо позира на плажа и го покажа витилигото на телото

Детали

вторник, 16 јули 2024

Нашата позната каратистка Пулексенија Јовановска гордо позира на море и за првпат целосно го покажа витилигото на нејзиното тело. Таа ги руши предрасудите и покажа дека состојбата е дел од нејзината уникатна убавина и совршеното тело, стекнато со напорни тренинзи и здрав начин на живот.

Нашата позната каратистка Пулексенија Јовановска го следи примерот на голем број познати светски ѕвезди и покажа дека во модерното време, едноставно нема место за предрасуди.

Ако во минатото дозволуваше само по малку да ѕирне нејзиното витилиго на некои од фотографиите, таа сега одлучи да објави фотографии на Инстаграм на кои гордо позира и покажа дека витилигото не е недостаток и се обиде да ги сруши предрасудите.

Таа објави повеќе фотографии од нејзиниот одмор, на кои гордо позира и го покажа своето совршено извајано тело, кое е резултат на напорната работа и долгогодишните тренинзи.

„Оди и најди го она што вибрира во твоето битие. Вибрациите не лажат“ – напиша таа до фотографиите.

За потсетување, Пулексенија е една од нашите најпознати каратистки, која досега повеќепати ја претставувала нашата земја на Олимписките игри.

Витилигото е хронично долготрајно автоимуно нарушување што предизвикува одредени делови на кожата да го загубат пигментот.

Ова се случува кога меланоцитите – односно клетките на кожата кои го создаваат пигментот се уништуваат, па заради тоа делови на кожата добиваат бела боја.

Засега не постои лек за оваа автоимуна болест, но постојат лекови со коишто состојбата може да се контролира.

Вини Харлоу

Меѓу светски познатите личности која прва се обиде да ја нормализира оваа состојба беше канадскиот модел Вини Харлоу, а на нашите простори, неодамна и сопругата на Жељко Јоксимовиќ, Јована откри дека се соочува со истата состојба.

„Јас имам витилиго, па секој што ќе влезе ми вели: ’Леле имаш нешто бело‘“ – рече таа за време на една своја емисија, покажувајќи на своето лице.

Додека Јована успешно ја скрива состојбата и ја крие, Пулексенија, пак, ни покажа дека нема простор за предрасуди и дена состојбата е дел од нејзината уникатна убавина.

Погледнете дел од нејзините фотографии во продолжение:

Б. С. Б. | Црнобело