Психолог од Скопје со апел: „Сите жртви средношколки од Јавна Соба можат да ми се обратат за психолошка помош“

Детали

четврток, 28 јануари 2021

Сега треба да покажеме дека сме тука за девојките засегнати од групата „Јавна Соба“ на Телеграм, психологот Ана Попризова со потег за пофалба.

И додека регионот го тресе скандалот за грозоморните дела на професорот по глума Мика Алексиќ, Македонија ја тресе скандалот од групата „Јавна Соба“ на Телеграм, каде девојки се мета на мажи кои споделуваат нивни фотографии, лични податоци и невкусни коментари.

Ана е храбра 28-годишна девојка од Кавадарци која јавно проговори низ што минала, поради тоа што нејзина фотографија со невкусен коментар и нејзиниот телефонски број осамнале во оваа група.

По нејзиното огласување се крена лавина од реакции на социјалните мрежи, а меѓу многумината кои ѝ дадоа поддршка за потегот е и психологот Ана Попризова.

Фото: Фејсбук Ана Попризова

Ана, училишен психолог и гешталт терапевт, на својот Фејсбук профил напиша:

„По ова што се покажува од содржините во Јавна соба, сакам да ги информирам сите жртви средношколки дека можат да ми се обратат за психолошка помош.

Ќе направиме мрежа на поддршка!

Ве молам споделете!“

Се надеваме дека и другите девојки, засегнати од групата „Јавна Соба“ ќе соберат храброст да проговорат за преживеаните трауми и ќе се обратат доколку имаат потреба од помош и поддршка.

Исто така, се надеваме дека секој од нас ќе биде доблесен да им ја даде својата поддршка, без разлика дали тоа е со дело или со збор за охрабрување на социјалните мрежи.

Извор: Фејсбук Ана Попризова

С. С. | Црнобело / фото: depositphotos.com