Парк шума Гази Баба - заборавена убавина среде Скопје (фото)

Детали

вторник, 25 август 2020

Недогледно зеленило, прекрасна шума, лулашки, клупи, летниковци... Зошто не го посетуваме овој зелен рај на само неколку километри од центарот на Скопје? Чувството е како Градскиот парк и Водно да се сплотени во едно.

На само неколку километри од центарот на Скопје се наоѓа парк шумата Гази Баба, на ридот Гази Баба. Уште во 2015 година оваа шума е прогласена за споменик на природата.

Ова заштитено подрачје дефинитивно е место кое треба да го посетите.

Доколку не сте движеле во овој предел од градот, пишете на Google mapс „парк шума Гази Баба“ и ќе стигнете до соодветно место за паркирање.

Оттаму ве очекува пешачење низ природа со високи дрвја и патеки и чувство како да се наоѓате на Водно, само што е рамно. Искрено, на моменти ќе добиете впечаток дека е поубаво и од Градскиот парк на кој сите сме навикнати да одиме постојано.

Средено е со летниковци, игралишта, клупи, големо е и можете убаво да се испешачите.

Има луѓе кои се рекреираат тука и воопшто не е опасно, доколку ве загрижува тоа.

На табли е обележано дека во оваа вештачки подигната шума има низа на растителни и животински видови. Ова дефинитивно е мал зелен рај среде Скопје кој за жал од многумина е заборавен.

Доколку надлежните стават неколку комбенца за кафе, сладолед, сокчиња и малку се изрекламира, Градскиот парк дефинитивно ќе добие конкуренција и ќе се олабави од посетители.

Ова заштитено подрачје ве очекува да го посетите. Ќе бидете изненадени од убавината што ќе ви ја понуди.

Парк-шумата на север се граничи со општината Бутел, населбата Бутел 2, на исток со општината Гази Баба, населбата Железара и населбата Автокоманда, на југ со Природно-Математичкиот факултет, Студентскиот дом „Стив Наумов“, Шумарскиот факултет и Земјоделскиот факултет и на запад со општината Чаир. 

Фотографии кои ги направивме од парк шумата Гази Баба:

Уште фотки од Инстаграм:

https://www.instagram.com/p/CBGd9sHpZmS/

Фото извор: Инстаграм Ardijan Mucaa

Фото извор: Инстаграм Ardijan Mucaa

Фото извор: Инстаграм Ardijan Mucaa

Фото извор: Инстаграм Ardijan Mucaa

Фото извор: Инстаграм Ardijan Mucaa

Уште фотографии од Инстаграм на следната страна...