Лакалут со наградна игра „Куфер полн здрави насмевки“

Детали

понеделник, 04 април 2016

04.04.2016, Скопје – Компанијата Натусана, во наредните два месеци, организира награден натпревар „Куфер полн здрави насмевки“ за брендот „Лакалут кидс“.

Во рамки на натпреварот ќе бидат наградени 15 семејства со пакет годишна залиха производи од линијата Лакалут. Подароците ќе се делат во три етапи и победниците ќе бидат прогласувани согласно најмногу освоени гасови и со гласање од страна на стручно жири.

Целта на натпреварот е да се поттикне креативноста кај децата. Главен предуслов за учество е учесниците да соберат две различни куферчиња (држачи за четки за заби) кои се паѓаат гратис во пакувањето од детската паста Лакалут наменета за возраст од 4-8 години. Учесниците треба да ги искористат овие куферчиња за да ја покажат својата креативност.

На пример, може куферчињата да ги вметнат во цртеж, да направат фотографија на која ќе покажат како ги користат во секојдневието, да покажат како тие ги чуваат нивните четкички за заби или било која друга креативна идеја на која ќе се сетат, а потоа она што го создале треба да го прикачат на Facebook страната на Четко Четковски.

Покрај прикачената фотографија, учесниците треба да дадат краток опис на она што го создале или да напишат некоја убава креативна мисла.

На секои три недели ќе бидат прогласувани по пет добитници на годишна залиха Лакалут производи за целото семејство, односно вкупно 15 семејства ќе се радуваат на куферот кој за нив ќе биде наполнет со производи за здрава насмевка.