Музиката за три филма номинирани на Интернационалниот фестивал на филмски музички критичари е снимена во Македонија

Детали

среда, 12 февруари 2014

Здружението на меѓународните филмски музичките критичари (IFMCA) ја објави својата листа на кандидати за најдобри  музички достигнувања во 2013 година.

Меѓу нив се наоѓаат и номинации за музички остварувања кои беа снимени минатата година од страна на македонскиот симфониски оркестар „Фејмсˮ.

Номинациите се однесуваат на музиката за документарецот „Ана и Алет“ чиј композитор е Марк Рајан Кандасми (Mark Rayen Candasamy), потоа музиката за телевизиската серија „El Tiempo Entre Costuras“ компонирана од страна на  Сезар Бенито (César Benito) како и номинацијата за најдобар композитор за Г-динот Laurent Eyqem, кој воедно е и најчест посетител на студиото М1 во МРТВ каде што работи со симфонискиот оркестар „Фејмсˮ.

Овој симфониски оркестар е основан пред повеќе од 7 години од страна на француската продукциска компанија позната како „Маседониан мјузик & ентертејнмент“ (Macedonian Music & Entertainment). Сместени во просториите на Македонското радио и телевизија под раководство на господинот Лорен Копитс и неговата сопруга госпоѓата Насју-Мопа, кои се воедно и директори на компанијата, реализирани се фантастични музички проекти за композитори и продуценти од целиот свет.