На 13 години од смртта на Гоце Арнаудов, Елвир Мекиќ емотивен: „Ти благодарам за сè што направи за македонската музика“

Детали

петок, 06 декември 2024

Легендарниот Гоце Арнаудов, кој секогаш имаше насмевка на лицето, убава енергија и „нè стрелаше“ со добра песна директно во срце, остави музичко наследство за идните генерации. Елвир Мекиќ се потсети на нивната соработка...

Токму денес (6-ти декември) се навршуваат 13 години од смртта на легендарниот Гоце Арнаудов.

Нашиот музичар кој секогаш имаше насмевка на лицето, убава енергија и „нè стрелаше“ со добра песна директно во срце остави музичко наследство за идните генерации.

По нешто повеќе од 10 години пауза, на сцената се врати Елвир Мекиќ - популарниот хитмејкер од 2000-тите години и тоа со заедничка соработка со младиот и популарен пејач и автор Пајак. Нивната нова песна „Негде после два“ е хит во најава.

Елвир, кој повторно се активираше на музички план, не пропушти да му оддаде почит и на Гоце Арнаудов, со кој ја отпеаја песната „Лично твој“.

Елвир сподели видео од песната на Инстаграм и напиша:

„Сеќавање на големиот Гоце Арнаудов. Ти благодарам за сè што направи за македонската музика“. 

Во чест на Гоце беше организиран и концерт во неговата родна Струмица каде на 4 декември 2024 година, во Домот на културата „Антон Панов“, настапија Елена Велевска, Александар Тарабунов, Кристина Арнаудова, Александра Јанева, Огнен Здравковски, градскиот хор на Струмица „Распеани Струмичани“ и многу други наши познати музичари.

Наша музичка легендо нема да те заборавиме!

фото: Инстаграм Елена Велевска

Емотивна објава на Инстаграм сподели и Александар Тарабунов кој напиша:

„Беше привилегија да се расте во твое присуство, голем професионалец и секогаш питом, смирен и ведар, вечна ти слава чичко Гоце Арнаудов“.

С. С. | Црнобело