Иџе го обои црно тркачкото Ферари: „Вистинските победи се кога сме заедно во тешките моменти“

Детали

вторник, 25 март 2025

„Ова не е само боја - ова е порака на сочувство, солидарност и поддршка. Некои победи се на патеката, но вистинските победи се кога сме заедно во тешките моменти“ - Иџе обои во црно дел од своето тркачко возило во чест на жртвите од Кочани.

Трикратниот шампион во ридски трки, Игор Стефановски Иџе го обои во црно задниот дел од своето Ферари, возилото со кое се трка втора година по ред.

Иџе ова го направи во чест на жртвите од трагедијата во Кочани и во знак на солидарност кон сите оние што тагуваат по големата загуба.

Тој сподели фотографија од возилото на Инстаграм, со емотивна порака.

„Црна боја на моето возило со кое ќе настапувам на трките низ Европа како знак на почит кон оние што ги загубија животите во оваа страшна несреќа.

Ова не е само боја - ова е порака на сочувство, солидарност и поддршка за нивните семејства и најблиски.

Некои победи се на патеката, но вистинските победи се кога сме заедно во тешките моменти.

Почивајте во мир“ - напиша тој.

А. Ј. | Црнобело