Синот на Дани Димитровска дипломира на престижен универзитет во Холандија, пејачката горда на неговиот успех

Детали

петок, 19 јули 2024

„Академски граѓанин. Школството е завршено“, напиша Дани гордо и сподели фотка со синот Лазар (23), кој заврши студии на Универзитетот за применети науки Fontys во Ајндховен.

Лазар, синот на пејачката Дани Димитровска, дипломира во Холандија. Тој студираше на престижниот Универзитет за применети науки Fontys, кој е со седиште во Ахјндховен.

Дани, која изминативе години често одеше во Холандија да го посети, не ја пропушти можноста да биде покрај него на големиот ден - доделувањето на дипломите.

Пејачката на Инстаграм Стори објави фотографија со синот, на која го бакнува и откри дека Лазар си ја зел дипломата.

„Академски граѓанин. Школството е завршено“, напиша гордо таа на една од ретките фотки со синот.

Со Дани, на церемонијата беше и нејзиниот партнер, некогашниот кошаркар Горан Веселиновски.

 

Инаку, Лазар оваа есен ќе полни 24 години. Тој е роден 2000-та година, од првиот брак на Дани со Јоцо, со кого се разведе уште додека Лазар беше мал.

Тој не сака многу да се експонира во јавноста и Дани многу ретко објавува фотки со него.

Но, во текот на неговото студирање, таа често го посетуваше и заедно одеа на различни туристички дестинации, па пејачката во тоа време со своите фанови споделуваше интересни моменти од нивните патувања.

Погледнете повеќе фотографии од Дани и Лазар:

А. Ј. | Црнобело