Браво! За една недела собрани 1 милион денари за лекување на 3-годишниот Илин

Детали

четврток, 18 јули 2024

За само една недела, хуманите Македонци собраа еден милион денари за да помогнат во лекувањето на 3-годишниот Илин кој има заболување на кожата и мора да се оперира бидејќи може да премине во меланом.

Пред околу една недела, беше почната кампања за собирње пари за 3-годишниот Илин кој има заоблување на кожата, а кое може да премине во меланом.

На малото детенце веќе му биле направени две операции, но потребна е и трета, која чини 15.000 евра (околу еден милион денари).

Македонците уште еднаш ја покажаа својата хуманост и за една недела преку донации ги собраа потребните средства.

Кампањата за донации беше отворена на веб-сајтот ECrowd:

„Малиот Илин има 3 години и роден е со невус (заболување на кожата што може да премине во меланом).

Досега се направени две операции, неопходно е да се направи третата операција како би се отстранил целосно делот кој е зафатен на кожата.

Ваквиот тип оперативни зафати не се изведуваат во Македонија и потребно е да се направи нова финална операција во Турција, од каде ветуваат дека проблемот ќе биде целосно решен.

Првите две операции се изведени од тим од Белград, но поради сериозноста на состојбата, потребна е трета и последна интервенција.

Согласно сите прегледи и консултации со болницата во Турција, целата интервенција би чинела 15.000 евра“.

Денес, на Фејсбук страницата на ECrowd, ги споделија убавите вести дека парите се собрани.

„Почитувани наши донатори, поддржувачи, пријатели, сакаме од срце да се заблагодариме што за само една недела успеавме да ја собереме потребната сума за операција на малиот Илин!

Илин, цел живот да си вака насмеан!“, стои во описот.

/posts/pfbid0e8MvTuvetm5sKLG7Ho4agqiAQfff7ZCtWSTCUGMMdVMjCMmdYkKjtuZjkohocq6Zl

Спирова С. | Црнобело

фото: ECrowd.mk