„Горд сум што сум твој татко“ – Четвртата ќерка на Пере Нокаут наполни 1 година
- Детали
- среда, 12 јуни 2024
„Среќен прв роденден на мојата прекрасна четврта ќерка, ти си татина јаготка“ – напиша Пере по повод првиот роденден на неговата најмала ќерка. Погледнете повеќе фотки од нејзиното раѓање до денес, низ семејниот Инстаграм албум на пејачот.
Најголемото богатство на Никола Перевски – Пере се неговите 4 ќерки.
Миа, Каја, Софи и Ирис, кои иако се полусестри, имаат одличен однос и функционираат како совршено семејство.
Најмалата ќерка, Ирис, која Пере ја доби со сопругата Јована, денес (12.06.2024) полни 1 година.
На Инстаграм тој објави преслатка фотографија од неа на летен одмор, облечена во фустанче со лимони, а во описот стои:
„Среќен прв роденден на мојата прекрасна четврта ќерка, драга моја Ирис! Твојата насмевка е нашето сонце, твојата смеа е нашата радост.
Нека твојот живот биде исполнет со љубов, и благослови. Горд сум што сум твој татко и што ја имам честа да те гледам како растеш и се развиваш.
Те сакам без граници ти си татина јаготка“.
Инаку, Пере и сопругата уживаат времето со ќерките да го поминуваат на патување, покрај езеро или море и често објавуваат семејни фотки од нивните одмори, со четирите девојчиња.
Тој знае да сподели и моменти од нивното секојдневие, како кога неговите најмали нокаутерки и разбивачки на сон, како што ги нарекува, го будат рано од спиење.
За четирите негови ќерки пак, тој е најгорд, а во една прилика напиша:
„Четирите блескави скапоцени камења на мојот живот, моите четири ќерки. Секој од нив е уникатен, секој е посебен, но сите тие се дел од моето срце.
Горд сум на нивната сила, храброст, љубов и сочувство. Нека светот ја сведочи нивната убавина, внатре и надвор.
Љубовта кон нив е нешто што не може да се искаже со зборови“.
Во продолжение погледнете повеќе фотки кои Пере ги има објавено со малата Ирис, од моментот кога се роди па до денес:
М. М. | Црнобело
Би можело да ве интересира:
Препорачуваме
Најчитани неделава
