Македонка се капе во ледена вода на -34C° во Лапонија - Бетика постигна нов личен рекорд

Детали

четврток, 23 март 2023

„Еве вака го постигнав мојот нов рекорд, мирно смирено и среќно. Бетика помина цели 4.286 километри за да си го собори сопствениот рекорд од 2018-та којшто ми беше -33C°...“, вели Бети Котовчевска (27) од Ресен која во Лапонија ги тестира своите граници.

Бети Котовчевска (27) од Ресен, по професија нутриционист, позната е како Бетика – ледената Македонка.

Таа го следи примерот и делото на Вим Хоф, екстремен холандски атлетичар, кој е светски познат како Ледениот човек (The Iceman).

Како и тој, така и нашата Бетика постојано се капе во ледени води.

Сега, таа повторно отпатува во својата омилена Лапонија и таму постигна нов личен рекорд.

Нејзината објава гласи:

„Еве вака го постигнав мојот нов рекорд, мирно смирено и среќно. Мештаните на Лапонија ми кажуваа дека не се надевале на толкав пад на температурите баш во почетокот на пролетта, затоа што цела зима ја поминале со најладни -27,8 C°.

Ама Бетика беше тргната цели 4.286 километри за да си го собори сопствениот рекорд од 2018-та кој што ми беше -33C°.

Честитки Бетике, успеа!

Вчера беше најладниот ден во Лапонија оваа зима -34C°, а јас гордо ќе си го додадам овој еден степен како најголема моја победа.“

Погледнете го видеото:

Уште едно видео од нејзиниот престој во Лапонија:

Прочитајте и Запознајте ја ледената Македонка Бетика - крши мраз и плива, се капела во Лапонија на -33°C (фото)

С. С. | Црнобело