Наташа Беквалац со емотивна објава за роденденот на ќерката: „Ти си моја најголема потпора - не ни е лесно, но најдобро ни е“
- Детали
- четврток, 17 март 2022
„Ти си мојот најголем успех, моја безусловна љубов, моја потпора, мој сопатник и борец“ - со емотивна објава Наташа Беквалац го одбележа 15-иот роденден на ќерката Хана која ја доби од првиот брак со ватерполистот Данило Икодиновиќ, со кого вели дека е во најдобри односи.
Српската пејачка Наташа Беквалац има две ќерки, Хана и Катја.
Таа неодамна го прослави четвртиот роденден на ќерката Катја која ја доби од бракот со Лука Лазукиќ, а денес (17.03) го одбележа и роденденот на својата прва ќерка Хана.
Наташа објави повеќе заеднички фотографии од неа и од Хана до кои напиша:
„Среќен роденден мое прво бебе, најголема љубов на мама. Ти си мојот најголем успех, моја безусловна љубов, моја потпора, мој сопатник и борец.
Ти благодарам што 15 години си мој водич низ целиот живот, учител и ти благодарам што сум ти мајка. Не ни е лесно, но најдобро ни е. Те сака твојата мајка. Се годеам на секој твој чекор. Секој чекор, не заборавај.“
Инаку, Наташа ја доби Хана од бракот со ватерполистот Данило Икодиновиќ, со кого се разведе во 2011-та година. Медиумите често пишуваа за лошите односи меѓу Данило и Наташа, но тие во повеќе наврати нагласуваат дека се во добри односи заради нивната ќерка.
Прочитајте и „Беше тешко, и нормален би полудел“ – Во какви односи е Наташа Беквалац со бившиот сопруг и што зборуваат еден за друг?
фото: Принтскрин - YouTube
Наташа неодамна беше гостинка во емисијата „ Na saslušanju“ на YouTube каналот на informer.rs каде говореше за повеќе работи од својот приватен живот, а откри дека заедно со поранешниот сопруг Данило и со Хана одат на психолог.
Како што рече, смета дека тоа е добар совет за сите родители чиешто дете е адолесцент.
Освен тоа, Наташа рече дека е во добри односи со сите поранешни сопрузи, освен со еден.
Добри односи одржува со првите два сопрузи Данило Икодиновиќ и Љубомир Јовановиќ со кои сѐ уште е во добри односи, но не и со таткото на нејзината втора ќерка Катја, Лука Лазукиќ, кого јавно го обвини за семејно насилство.
Прочитајте и Наташа Беквалац по хоророт со третиот сопруг: „Трпев заради ќерка ми – сега психијатарот ми вели дека не ми треба маж“
Погледнете повеќе фотографии во продолжение:
https://www.instagram.com/p/Ca0RBk9MStH/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
