Едниот син таа го пронајде мртов, другиот се предозира во Израел: Трагедиите во семејството на Марина Туцаковиќ

Неколку месеци по трагедијата, Марина воопшто не работеше, а потоа ја напиша Mišo moj (која ја испеа Ана Николиќ) во чест на починатиот син.

„Песната ја напишав во најтешкиот период, кога го изгубив синот.

Долго размислував кој би можел тие силни емоции да ѝ ги пренесе на публиката, и потоа изборот падна на Ана Николиќ“.

Во 2018 година, Марина беше дијагностицирана со рак на дојката, поради што беше оперирана и примаше хемотерапија.

Во 2021-ва, син ѝ Милан сподели дека ракот се проширил на црниот дроб, белите дробови, мозокот и коските.

Тој период Марина се заразила и со ковид и на 19-ти септември истата година ја изгуби битката.

Уште пред смртта на мајка му, за Милан беше познато дека има проблеми со дрога.

И тој беше текстописец и соработуваше со дел од колегите на мајка му, а доста често самиот зборуваше за својата зависност за која тврдеше дека била зад него.

„Почнав да користам на 15 години, а до 17 веќе бев зависник. Потоа четири години направив пауза, но кога стигнав до центар за рехабилитација, тука беше крајот.

Почнав од љубопитност, и продолжив дури и откако сфатив колку лошо ми прави. Тоа е болест. Кога ќе ја почувствуваш првата хероинска криза… тоа е најопасната дрога“.

Смртта на брат му, а подоцна и на мајка му, дефинитивно имале големо влијание врз психичката состојба на Милан.

„Мене ми умре мајка, а за другите умре Марина Туцаковиќ. Не знам каква празнина чувствува јавноста, но знам како јас се чувствувам.

Се помирив дека ја немам, но се прашувам како ќе продолжам без неа. Кога ќе изгубиш мајка, како да си ги изгубил двете раце, можеби и нозе. Многу бев врзан за неа“, изјави Милан една година по нејзината смрт.

Кратко по оваа изјава, и Милан беше пронајден мртов, на улица во Тел Авив.

Неговиот татко откри дека бил пријавен за исчезнат на 12-ги декември, а го пронашле мртов на 20-ти декември

Според некои извори, неговото тело било на улица два дена пред некој да го пронајде.

Околностите не се познати, но се претпоставува дека станува збор за предозирање.

Набрзо потоа телото на Милан беше донесено во Белград, но татко му не сакал да се прави никаква анализа.

„Нема да има обдукција, ниту токсиколошка анализа бидејќи татко му Александар Фута не го сака тоа. Фута е многу збунет и целата ситуација му е сомнителна.

Пробува да сфати што се случило, но некои работи е му се јасни. Првото нешто што му е сомнително е тоа што Милан излегол со паричник и лични документи кои не се пронајдени покрај телото.

Ги носел во ранец. Ако ранецот бил таму, веднаш ќе утврделе кој е. Затоа Фута смета дека некој го следел или го сретнал на улица, и на крај му го зел и ранецот“, има изјавено извор за српски Курир.

Имено, татко му не верувал дека Милан самиот се предозирал туку можеби некој му подметнал дрога бидејќи, според изворот, престојувал во опасно соседство во Тел Авив.

До денес, смртта на Милан и Милош е обвиена со мистерија, додека татко им пробува да се справи со трагедиите како знае и умее.

Прочитајте и: За еден стих заработила 100.000 евра, живееше во длабока болка по загубата на синот – Факти за Марина Туцаковиќ

Спирова С. | Црнобело