Петар Грашо и Хана добија син, му го дадоа името што го планирал со Данијела

Детали

четврток, 31 октомври 2024

Хрватскиот пејач Петар Грашо и неговата сопруга Хана Хуљиќ го добија второто дете. Нивната ќеркичка Алба доби братче кому му го дадоа името Тони.

Како што пишуваат хрватските медиуми Хана се породила утрово (31.10) со царски рез, а породувањето поминало во најдобар ред.

Името на детето му го дале според покојниот дедо на Петар, но и според таткото на Хана, Тончи Хуљиќ.

За потсетување, Петар и Хана ја добија ќеркичката Алба во 2022-ра година, а Петар во гостување во Скопје откри дека неговата сопруга е бремена по вторпат.

Инаку, Петар повторно на детето му го даде името што го планирал со претходната партнерка Данијела Мартиновиќ.

За потестување, Данијела даде изјава за медиумите во 2014-та година, кога рече дека најголема желба ѝ е да стане мајка, а таму ги откри и имињата што ги планираат за децата.

„Навистина се надеваме дека многу брзо ќе се израдуваме. Синот ќе биде Тони, тоа се знае, според покојниот дедо на Петар, а за девојчињата имаме две имиња Алба и Луце“.

Петар и Хана на ќерката ѝ го дадоа името Алба, а на синот Тони - исто како што планирал во минатото со Данијела.

Прочитајте и Помалку познати факти за Петар Грашо – има луксузен комплекс со апартмани, Оливер Драгојевиќ го оттргнал од спортска кариера

Б. С. Б. | Црнобело